2025-2026 академиялық оқу жылында 44 қазақстандық грант иегері атанды және Қытайдың жетекші жоғары оқу орындарында оқуға қабылданды, деп хабарлайды Zakon.kz.

"Болашақ" халықаралық бағдарламалар орталығы" АҚ мәліметінше, 44 грант иегерінің ішінде білім беру саласындағы халықаралық келісім шеңберінде 35 адам, Шанхай ынтымақтастық ұйымының стипендиясы шеңберінде 9 адам Қытайда білім алады.

"Грант академиялық оқу, жатақханада тұру, медициналық сақтандыру шығындарын өтейді, сонымен қатар студенттерге ай сайын стипендия төленеді. Оқу ағылшын немесе қытай тілінде өтеді. Сонымен қатар, Қытай Халық Республикасы үміткерлерге стипендия тағайындау туралы соңғы шешімді қабылдайды. Егер сіз оқуға қабылданған стипендиаттардың тізімінде болсаңыз, онда күнтізбелік 60 (алпыс) күннің ішінде оқуға арналған шартты жасасу үшін "Халықаралық бағдарламалар орталығы" АҚ жүгінуіңіз қажет", делінген хабарламада.

Шарт жасасу бойынша толық консультация алу үшін Нормативтік құқықтық және шарттық қамтамасыз ету басқармасына мына байланыс нөмірлері арқылы хабарласа аласыздар: 8-7172-76 90 79 (ішкі.170,181).

Шетелдік грант иегерлерінің толық тізімімен мына арадан таныса аласыздар.