Оқиға елорда әуежайында болған. Алматы қаласының тұрғыны полицияға қарсылық көрсетіп, қоғамдық тәртіпті бұзған, деп хабарлайды Egemen.kz.

Бас көлік прокуратурасының хабарлауынша, оқиға азаматтың ұшаққа кешігіп келуімен басталған. Ашуға бой алдырған ер адам әуежай аумағында қоғамдық қауіпсіздікті қамтамасыз етіп жүрген полиция қызметкерлерінің заңды талаптарына бағынудан бас тартқан.

«Тергеу барысында ер адамның полицейлердің талаптарын елемей, оларға балағат сөздер айтып, денсаулыққа зиян келтірумен ашық қорқытқаны анықталды. Оның әрекеті билік өкілдеріне қарсы қылмыс ретінде бағаланды», делінген хабарламада.

Сот процесі барысында мемлекеттік айыптаушы кінәні дәлелдейтін нақты және бұлтартпас айғақтар ұсынған. Нәтижесінде ер адам кінәлі деп танылып, оған 1 жыл 1 ай мерзімге бостандығын шектеу жазасы тағайындалған.

Сот үкімі заңды күшіне енді.