Binance платформасының деректеріне сәйкес, биткойн бағасы жаңа тарихи максимумға жетіп, 113 мың АҚШ долларынан асты, деп жазады inbusiness.kz сайты.

Мәскеу уақытымен 19:24-те криптовалюта $112 106 деңгейіне (+2,7%) жетті. Кейін баға өсімін жалғастырып, 19:39-да $112 682-ге (+3,06%) дейін көтерілді. Ал 20:11-де биткойн құны айтарлықтай жеделдеп, $113 211-ге (+3,6%) жетіп, жаңа рекорд орнатты.

Биткойн — блокчейн технологиясына негізделген, орталықтандырылмаған цифрлық валюта. Оны жүйенің кез келген қатысушысы жаңа блоктар жасап, өндіре алады. Бұл тұжырымдама 2008 жылы Сатоси Накамото бүркеншік есімімен жарияланған. Соңғы жылдары биткойн кең танымалдыққа ие болды. Алайда оның көлемі шектеулі, және көп бөлігі қазірдің өзінде өндірілген.