Ақ үй АҚШ-тың Қазақстандағы елшісі лауазымына Джули Стаффтың кандидатурасын қарастырып жатыр, деп хабарлайды Ақ үйге сілтеме жасаған KAZ. NUR.KZ.

Ақ үйдің сайтында АҚШ-тың бірқатар елдегі елшісіне лаузымына үміткерлердің тізімі жарияланды. Мәселен, Америка Құрама Штаттарының Қазақстандағы төтенше және өкілетті елшісі лауазымына Огайо штатынан Джули Стаффт ұсынылған.

АҚШ Мемлекеттік департаментінің сайтындағы мәліметке сүйенсек, Джули Стаффттың дипломатиялық қызметтегі тәжірибесі мол. Бұрын ол АҚШ-тың Молдова мен Джибутидегі елшісінің орынбасары қызметін атқарған.

Ол сондай-ақ Ұлттық қауіпсіздік кеңесінде, Мемлекеттік департаменттің жедел орталығында, Ресейде, Эфиопияда және Польшада қызмет еткен.

Джули Стаффт Стаффт орыс, румын, француз және поляк тілдерін меңгерген.

Айта кетейік, АҚШ-тың Қазақстандағы елшісі Дэниел Розенблюм зейнетке шығуына байланысты қызметінен кеткен болатын.

Кейін ол әлеуметтік желідегі парақшасында қазақ еліне жүрекжарды лебізін жеткізген еді.

Мәтіннен қате тапсаңыз, бізге жазыңыз