Актөбе облысының тұрғыны мемлекеттік тұрғын үй қорынан баспана алу кезегін қалпына келтіру үшін Адам құқықтары жөніндегі институтқа жүгінді.

Бұл орайда өтініш кәмелетке толмаған үш балаға қатысты болды. Олар "жетім балалар және ата-анасының қамқорлығынсыз қалған балалар" санаты бойынша есепте тұрған.

Өтініш иесінің айтуынша, 2024 жылдың қазанында бастапқы тіркеу кезінде балаларға бірізді кезек нөмірлері берілген. Алайда 2025 жылдың қаңтарында олардың кезектілігі төмендетілген, деп хабарлайды Қазақстан Республикасындағы Адам құқықтары жөніндегі уәкілінен.

Актөбе облысындағы уәкіл өкілінің ұсынымдары негізінде жүргізілген тексеріс барысында кезектегі өзгерістердің негізсіз болғаны анықталды.

Нәтижесінде, балалардың бастапқы кезектілігі қалпына келтіріліп, олардың заңды түрде тұрғын үй алу құқығын белгіленген мерзімде іске асыруына мүмкіндік берілді.

Адам құқықтары жөніндегі уәкіл институты өз кезегінде ата-анасының қамқорлығынсыз қалған балалардың құқықтары мен заңды мүдделерін қорғау жұмысын жалғастырады.