Ғылым және жоғары білім министрі 2024-2026 жылдарға арналған "Болашақ" стипендиясы конкурсының жеңімпаздарын оқыту және тіл курстарынан өтуге ұсынылған жетекші шетелдік жоғары оқу орындары мен шетелдік ұйымдардың тізіміне толықтырулар енгізді, деп хабарлайды Zakon.kz.

Атап айтқанда, тізімді бірнеше жетекші шетелдік университеттер кеңейтті:

• Нью-Йорк кино академиясы (New York Film Academy) (АҚШ).
• Лондон өнер университеті (University of the Arts London) (Ұлыбритания).
• Корольдік музыка академиясы (Royal Academy of Music) (Ұлыбритания).
• И.М.Сеченов атындағы Бірінші Мәскеу мемлекеттік медицина университеті (I.M. Sechenov First Moscow State Medical University) (Ресей).
• Лондон гигиена және тропикалық медицина мектебі (London School of Hygiene & Tropical Medicine) (Ұлыбритания).
• Калифорния университеті, Сан-Франциско (University of California, San Francisco) (АҚШ).

Тізімге қазір 279 шетелдік университет енген.

Бұйрық 2025 жылдың 2 шілдесінде күшіне енеді.

Бұған дейін үкімет "Болашақ" стипендиясына іріктеу ережесін өзгерткенін хабарлаған болатынбыз.