Алматыда Төтенше жағдайлар министрлігінің ұйымдастыруымен арнайы оқу-жаттығу өтті, деп хабарлайды 24KZ. Сценарий бойынша төтеншеліктер аса қиын тапсырманы орындау үшін қала горнизонының барлық техникалық және тактикалық мүмкіндігін көрсетті. Халықаралық семинарға Ресей мен Беларусьтен осы сала өкілдері арнайы келді.

Алматыда төтенше жағдайлардың алдын алу және жоюға арналған халықаралық үш күндік оқу-жаттығу өтіп жатыр. Бүгін құтқарушылар 35 қабатты тұрғын үй өртенген жағлайда қалай әрекет жасау керектігін көпшілікке паш етті. Шартты түрде 20 шы қабаттан өрт шығып, ғимарат ішінде 100-ге жуық адам қамалып қалаы. Жедел көмекке 150-ден аса жеке құрам мен 20-дан аса техника жұмылдырылды.

Оқиға орнына бірінші болып мотоцикл мінген экипаж жетті. Олар аумақта эвакуация жасап, ірі техникаларға орын дайындады. Одан кейін бұл жерге ең биік өрт сөндіруге арналған техника жеткізілді. Оның мұнарасы 90 метрге дейін көтеріледі. Келе сала 20-шы қабаттың терезесінен өрт сөндіруге кірісті. Республикалық құтқару жасағы жарақат алған 10 адамды арқан тартып шығарып алады. Қатты зардап шеккен тағы бір адам ауруханаға тікұшақпен жөнелтілді. Қалғандары қауіпсіз жерге жеткізілді.

Бағдат Чайзада, Алматы қ. ТЖД бірінші орынбасары:

- Барлау жұмыстарын жүргізу үшін Алматы горнизонының жаунгерлік есебінде дрондар бар. Олар да барлау жасап, біздің құтқару жасап жатқан қызметркерлерге ақпаратты беріп отырады. Сонымен қатар 30-шы қабаттан арнайы құтқарушы альпинистер төмен қарай құтқару жасаған болатын.

Биік ғимараттағы өрттің қалай сөндіріліп жатқандығын және адамдарды құтқару операциясын Ресей мен Беларусь елінен келген мамандар бақылап отырды. Олар бірауыздан Алматы горнизонының техникалық мүмкіндігін жоғары бағалады.

Игорь Никитенко, Беларусь Республикасы ТЖМ басқарма басшысының орынбасары:

- Бүгінгі оқу-жаттығуда алматылық төтеншеліктер биік ғимараттағы өртті сөндіру және адамдарды құтқару бойынша асқан шеберлік көрсетті. Бірнеше мекеме мамандары бірдей әрекет ете білді. Сонымен қатар құтқарушы альпинистердің жұмысы қатты ұнады.

Мұндай сипаттағы оқу-жаттығу мегополисте алғаш рет ұйымдастырылды. Өйткені қалада биік ғимараттар көбейіп келеді. Сондықтан төтеншеліктер биік нысандардағы жедел әрекетке дайын болуы керек.

Авторлары: Аршын Кемелжан, Айдос Қалиев