Солтүстік Қазақстан облысында Сыбайлас жемқорлыққа қарсы қызмет Бас көлік прокуратурасының үйлестіруімен облыстық Жолаушылар көлігі және автомобиль жолдары басқармасы басшысының орынбасарын әшкереледі, деп хабарлайды Zakon.kz.

Антикордың ресми өкілі Данияр Биғайдаровтың айтуынша, аталған факті бойынша сотқа дейінгі тергеу жалғасып жатыр.

"Ол жол жөндеу жұмыстары бойынша орындалған актілерге қол қою және облыс аумағындағы әлеуметтік маңызы бар жолаушылар тасымалы бойынша шығындарын өтеу үшін субсидия төлеу мақсатында мердігер ұйымдардан жүйелі түрде 9,5 млн теңге пара алған деген күдікке ілінген", — деді Данияр Биғайдаров 2025 жылғы 30 маусымда.

Айта кетейік, бұған дейін Сенат депутаты Әлібек Наутиев жол құрылысы кезінде сапасыз материалдар қолдану мен технологияны бұзғандарға қатаң жаза қолдануды ұсынған еді.