Абылайхан Жүсіпов бокстан Әлем кубогының ширек финалына өте алмады
30.06.2025
Бокстан Қазақстан ерлер құрамасының өкілі Абылайхан Жүсіпов Астанада өтіп жатқан Әлем кубогының кезеңінде алғашқы кездесуін өткізді, деп хабарлайды Zakon.kz.
Отандасымыз 70 келіге дейінгі салмақта ел намысын қорғады.
Абылайхан алғашқы кездесуін Қырғызстан өкілі Алмаз Орозбековке қарсы өткізген болатын.
Қазақстандық боксшы алғашқы раундтарда басымдық танытты. Алайда, үшінші раундта жарақатына байланысты жекпе-жекті жалғастыра алмады.
Осылайша, отандасымыз жарыста өнер көрсетуін аяқтады.
