Алматыда балалар жаттықтырушымен бірге Көкжайлауға серуенге шыққан, кейін олармен байланыс үзілген. Топқа құтқарушылар көмекке келді, деп хабарлайды Құтқару қызметіне сілтеме жасаған KAZ.NUR.KZ.

Алматы қалалық Құтқару қызметінің мәліметінше, балалар мен олардың жаттықтырушысы серуеннен оралмағаны туралы хабарлама 24 маусым сағат 18:47-де түскен. Топпен байланыс болмаған. Үш минуттан кейін екі техника және бес құтқарушыдан тұратын іздестіру-құтқару тобы іздеуге шықты.

"Сағат 19:35-те құтқарушылар топты тапты: балалар мен жаттықтырушы жалғыз аяқ жолда келе жатқан, алайда құтқарушылардың көмегінсіз таудан түсу қиынға соққан. 19:54-те барлығы аман-есен отбасына тапсырылды. Ешкімге медициналық көмек қажет болған жоқ", — деп хабарлады Құтқару қызметі.

Құтқарушылар тауда серуендеу кезінде қатысушылардың жасын, ауа райы жағдайын, тәулік уақытын және дене белсенділігін ескеру керектігін еске салады. Сондай-ақ байланыс құралдары мен алдын ала жоспарланған маршруттың болғаны маңызды.