Қызық Live бағдарламасына қонаққа келген "Альфа" тобы өнер жолындағы басты жаңалығын айтты, деп хабарлайды KAZ.NUR.KZ.
Бағдарлама жүргізушілері "Альфадан" мансабындағы басты жаңалық қандай екенін сұрады. Топ мүшелері бұған жауап ретінде бүгінгі таңда продюсерсіз жұмыс істейтінін айтты.
"Өткен жылдың ортасынан бастап продюсерсіз жұмыс істеп бастадық. Сол сәттен бастап өсім пайда болды. Жұмысты өз көзқарасымызбен жасап бастаған соң, ерекше сиқыр пайда болған сияқты... Соңғы әндерді таза ағылшын тілінде жазып жатырмыз. Әлемдік деңгейге шығуға дайын екенімізді өзімізге дәлелдеу үшін солай істеп көріп жатырмыз. Шыға ма, шықпай ма, білмеймін, бірақ біздің "Кім ол" деген әнді Ақжол қытайша жазып жатыр", — деді топ мүшелері.
"Альфа" тобы жеке өміріне қатысты да ағынан жарылды. Топтағы бес жігіт те бүгінгі таңда бойдақ екенін жасырмады.
Студиядағы тыңдармандар топ мүшелеріне көкейіндегі сұрақтарды қою мүмкіндігіне ие болды. Олар "Альфадан" 91 тобы секілді киноға түсу ниеті бар-жоғын білмек болды.
"Иә, ойда бар. Қызықты ұсыныстар түсіп жатыр, барлығы қарастырылып жатыр, бұйырса, болашақта көрерсіздер", — деп жауап қатты топ мүшелері.
