Шоу-бизнес әлемінде өзінен әлдеқайда үлкен не кіші жанды таңдап, отбасын құрған жұлдыздар бар. El.kz интернет порталы сондай ерекше жұптарды жинақтады.

Нұрғали Нүсіпжанов пен Жадыра Сейдеш

Посмотреть эту публикацию в Instagram

Публикация от Nurgali Nusipzhanov (@nurgali_nusipzhanov_official)

2019 жылы қазақтың Халық әртісі, ән өнерінің аңызға айналған тұлғасы Нұрғали Нүсіпжанов 82 жасында шаңырақ көтерді. Журналист Жадыра Сейдешпен көңіл жарастырып, Алматыда 26 тамыз күні дүбірлі той өткізді. Екеуінің жас айырмашылығы – 45 жыл. Нұрғали Нүсіпжанов 1937 жылы дүниеге келсе, Жадыра 1982 жылы туған.

Көпен Әмірбек пен Әйгерім Асанова

Қазақ сатирасының саңлағы Көпен Әмірбек өмірінің соңғы жылдарында ерекше махаббатын жолықтырды. 65 жасында өзінен 36 жас кіші Әйгерім есімді арумен отау құрып, Жұбаныш атты ұл сүйді. Бұл сатириктің екінші некесі болатын. Алғашқы отбасынан бір ұл, бір қызы бар.

Өмірінің соңғы жылдарын Әйгеріммен бірге өткізген Көпен Әмірбек баладай қуанып, ұл-қыздан көретін шаттықты кеш те болса сезіне білді. Әйгерімнің айтуынша, сатирик ауыр науқастан кейін кенеттен көз жұмған. Асқазанына жасалған отадан кейін жағдайы күрт нашарлап кеткен.

Асанәлі Әшімов пен Бағдат Әшімова

Қазақтың көрнекті актёрі, Қазақ КСР Халық артисі Асанәлі Әшімов өмір жолында талай сынақ пен қуанышты бастан өткерген. Өнер иесінің жары Бағдат Әшімова өзінен 34 жас кіші. Бұл – Асанәлінің төртінші некесі.

Посмотреть эту публикацию в Instagram

Публикация от Асанали Ашимов (@assanali.ashimov)

Алғашқы жары Майра Аймановадан Мәди мен Сағи есімді ұлдары дүниеге келген. Екінші жары Гүлбанудан Олжас, үшінші жары Маржаннан Сағина атты перзенттері бар. Қазіргі жары Бағдаттан Асанәлі есімді ұл сүйіп отыр.

Жас айырмашылығы көп болғанымен, Асанәлі Әшімов Бағдатпен жарасып, бақытты отбасының үлгісіне айналып отыр.

Қыдырәлі Болманов пен Қарақат Әбілдина

Қарақат сүйіктісі Қыдырәліні халыққа танымал болмай тұрып, студент кезінде жолықтырған. Ол кезде екінші курс оқып жүрген. Уақыт өте шығармашылықтағы әріптестік махаббатқа ұласып, өнерлі қос жүрек бір шаңырақ астына бірікті.

Посмотреть эту публикацию в Instagram

Публикация от Karakat Abildina (@karakat_a)

Қарақат бір сұхбатында Қыдырәлінің алғашқы некесі болғанын ашық айтқан еді. Алғашқы некеде сәби дүниеге келгенімен, өкінішке қарай, шетінеп кетеді. Бұл ауыр жағдайдан кейін Қыдырәлі бірінші жарымен ажырасқан. Айтуынша, ол неке махаббат емес, бала үшін құрылған.

Бүгінде Қыдырәлі мен Қарақат – алты баланың ата-анасы. Өзінен 14 жас үлкен жары Қыдырәліні әнші өмірлік тірегі, шығармашылық серігі ретінде ерекше құрметтейді.

Айта кетейік, 2024 жылы шаңырақ көтергендеріне 25 жыл болған Қыдырәлі Болман мен Қарақат Әбілдина күміс тойларында неке қию рәсімін өткізген еді.

Райымбек Бақтыгереев пен Ерке Есмахан

Танымал әнші Ерке Есмахан мен Райымбек Бақтыгереевтің қосылуы шоу-бизнес әлемінде үлкен талқылауға себеп болды. Жұрт назарын аудартқан жайт – жұлдызды жұптың арасындағы 12 жылдық жас айырмашылығы еді. Қос ғашық 2023 жылы некелерін қиып, отбасын құрды.

Посмотреть эту публикацию в Instagram

Публикация от Erke Esmahan (@erke_esmahan)

Ерке бұған дейін журналист Асхат Садырбаймен шаңырақ көтеріп, одан бір ұл сүйген. Қазір Ерке мен Райымбек үш ұлды тәрбиелеп отыр – бірі Еркенің тұңғышы, екеуі – ортақ перзенттері. Жас айырмашылығы махаббатына тұсау бола алмаған бұл жұп қазіргі таңда өнер мен өмірде қатар жарқырап, көпке үлгі болуда.

Айқын Төлепберген мен Жұлдыз Өмірғали

Эстрада жұлдызы Айқын Төлепберген мен әнші Жұлдыз Өмірғали арасындағы жас айырмашылығы – 14 жыл. Олар 2017 жылы отбасын құрып, көпшіліктің назарын өзіне аударған болатын. Бүгінде ерлі-зайыптылар Санжар есімді ұл мен Айя атты қыз тәрбиелеп отыр.

Посмотреть эту публикацию в Instagram

Публикация от Zhuldyz | Actress | Singer | TV host (@zhuldyzomirgali_official)

Айқынның бұл екінші некесі. Алғашқы отбасынан Аңсар есімді ұлы мен Асылым атты қызы бар.

Еске сала кетейік, жұлдызды жұп 9 жыл бойы күткен үйлену тойын өткен жылы жасаған болатын.

Олжас Смағұлов пен Мадина Сәдуақасова

Әнші Мадина Сәдуақасова күйеуі Олжастан 7 жасқа үлкен. Бұл айырмашылық екеуінің де өмірлік таңдауларына еш кедергі болмаған. Өнер иесі алғашқы жұбайымен 1,5 жылдан кейін ажырасып кеткен. Оның бұл некесі жайлы көп айтылмайды, жұрт тек бұрын отбасылы болғанын біледі.

Ал қазіргі жұбайы Олжаспен әнші 2009 жылы танысқан. Араға біраз уақыт салып, 2013 жылдан бастап кездесіп, 2014 жылы 2 ақпанда ресми түрде отау құрды. Той Алматыдағы мейрамханалардың бірінде өткен.

Посмотреть эту публикацию в Instagram

Публикация от Мадина Садвакасова (@sadvakasovamadina)

Бүгінде бақытты отбасының Әнуар есімді ұлы өсіп келеді. Олар жақында ғана 10 жасқа толған ұлына пәтер сыйлап, көпшілікті таңғалдырған еді.

Балаға пәтер сыйласаң, 10 жылын жеңілдетесің дейді ғой. Біз мектепке қарама-қарсы үйден пәтер алып, өз өмірімізді де жеңілдеттік. Бұрын кептелісте тұрып, жол бойынан түсіріп кететін едік. Енді тек жолдан өте салады. Алматының кептелісінде сағаттап тұрмаймыз. Сосын өзімізге ыңғайлап жөндеу жұмысын жүргізіп жатырмыз. Үйдің жөндеу жұмыстары әлі жүріп жатыр. Бұйыртса, 1 қыркүйек күні мектепке осы үйден қатынаймыз, — деп жазды Мадина Сәдуақасова әлеуметтік желідегі парақшасында.

Айта кетейік, бұған дейін 2024 жылы шаңырақ көтерген шоу-бизнес жұлдыздары жайлы жазған едік.