Рейстерге билеттер сатылымға шығарылды.

Таяу Шығыста атыстың тоқтатылуына байланысты Air Astana әуе компаниясы Иранның әуе кеңістігін айналып өтіп, осы өңірге ұшуды қайта бастайды, деп хабарлайды компанияның баспасөз қызметі.

25 маусымда келесі рейстер орындалады деп күтіліп отыр:

• KC205 Астана-Дубай, 11:00
• KC206 Дубай-Астана, 16:40
• KC653 Алматы-Доха, 11:00
• KC654 Доха-Алматы, 15:05
• KC897 Алматы -Дубай, 11:15
• KC898 Дубай-Алматы, 16:10

Оқи отырыңыз: Иран мен Израиль соғысы: АҚШ-тың ядролық нысандарға шабуылының Қазақстанға қандай әсері бар

Барлық жерде жергілікті уақыт көрсетілген. Сонымен қатар ең cыйымды Boeing 767 әуе кемесінде КС8980 "Дубай-Алматы" рейсі сағат 17:40-та репатриациялық рейс ретінде орындалады.

"Бұл рейстерге билеттер сатылымға шығарылды. Кестені әуе компанияның сайтында тексеруді сұраймыз. Рейстер ұшу қауiпсiздiгiнiң жоғары стандарттарына сәйкес орындалады" – деп жазылған хабарламада.