2025 жылғы 24 маусымда Ауыл шаруашылығы вице-министрі Азат Сұлтанов Мәжілісте пайдаланылмайтын немесе заңбұзушылықпен берілген жерлердің қаншасы мемлекетке қайтарылғанын айтты, деп хабарлайды Zakon.kz.

Ол бұл жұмыс 2022 жылғы 1 қыркүйекте Президенттің тапсырмасымен басталғанын еске салды. Арнайы Республикалық комиссия құрылған. 2024 жылдың қыркүйегінен бастап комиссия жұмысы жерлерді әділ қайта бөлуге, топырақтың тозуына қарсы күреске және жайылым тапшылығын жоюға бағытталды.

"Мемлекеттік қорға 13,2 млн гектар жер (2022 жылы – 5,4 млн га, 2023 жылы – 4,6 млн га, 2024 жылы – 2,2 млн га, 2025 жылдың басынан – 1 млн га) қайтарылды. Оның 11 млн гектары – жайылымдық жерлер. Бұл жерлерде 14,6 мың шаруашылықта мүлде мал болмаған немесе жайылымдарға жүктеме төмен болған. Оның ішінде 6 млн гектары халыққа қайта бөлінді", – деді Азат Сұлтанов.

Ол 2024 жылдан бастап мемлекет пайдаланылмай жатқан жайылымдардың енді 20% емес, 50%-на дейінін қайтарып ала алатынын атап өтті. Осы өзгеріс күшіне енгеннен бері 2,7 млн га жер қайтарылды. 565,8 мың га жерде фермерлер жаппай мал сатып ала бастады, осылайша өндірісте көбірек адам жұмыс істеуде. Жұмыс жалғасуда, 63,8 мың га бойынша сот процестері жүріп жатыр.

Бұған дейін мемлекеттен атаулы әлеуметтік көмек алуға кім құқылы екенін жазғанбыз.