Президент ұлы Герцог Анридің жауапты мемлекеттік қызметіне толайым табыс тіледі.

Президент Қасым-Жомарт Тоқаев Люксембургтің Ұлттық күніне орай ұлы Герцог Анриге құттықтау жеделхатын жолдады, деп хабарлайды Ақорда.

Мемлекет басшысы құттықтауында Люксембург халқының бірлігі мен ортақ мұратын, сонымен қатар елдің қаржы, цифрлық инновация мен жасыл технологиялар салаларындағы елеулі табысын паш ететін аталған мейрамның символдық мәніне назар аударды.

Қазақстан президенті ұлы Герцог Анридің жауапты мемлекеттік қызметіне толайым табыс, ал достас Люксембург халқына бақ-береке тіледі.

Оқи отырыңыз: Тоқаев "Дәулет" теннис орталығының қызметімен танысты