Индонезияның Бали аралында өтіп жатқан Азия чемпионатында қазақстандық ерлер құрамасы семсерлесуден финалға жолдама алды, деп хабарлайды Zakon.kz.

Команда құрамында ел намысын Елмир Әлімжанов, Вадим Шарлаимов, Ерлік Сертай және Руслан Құрбанов қорғап жатыр.

1/8 финалда қазақстандықтар Түрікменстан құрамасын 45:21 есебімен жеңсе, ширек финалда Сингапур спортшыларын 43:31 есебімен ұтты. Жартылай финалда Қазақстан Қытай командасын 45:24 есебімен ойсырата етіп жеңді.

Финалда Қазақстан құрамасы алтын медаль үшін Жапониямен күш сынасады. Шешуші кездесу бүгін, 21 маусымда өтеді.