"Қазақтелеком" АҚ Басқарма төрағасы Бағдат Мусин бүгін, 2025 жылғы 20 маусымда суперкомпьютердің қашан және қайда жиналатынын айтты, деп хабарлайды Zakon.kz.

Оның айтуынша, "Қазақстанның болашағы" болатын темір қондырғы аман-есен қоймаға жеткізілген.

"Видеокарталар орнында екен.⠀Біздің NVIDIA H200 негізіндегі суперкомпьютеріміз қазірдің өзінде елде. Жақында Алматыда – "Қазақтелеком" деректер орталығының алаңында монтаждау жұмыстарын бастаймыз. 10 күннен кейін ол дайын болады. Асыра сілтеусіз айтсақ... мықты зат: 6,7 миллион CUDA ядро, 1600 петафлоп және ондаған терабайт GPU жады",- деп жазды Мусин өзінің желідегі парақшасында.

Сондай-ақ, ол мұның бәрі мемлекеттік органдар, ұлттық компаниялар мен корпоративтік тапсырыс берушілерге қолжетімді болатындығын атап өтті.

"Техногендік апаттар мен қауіп-қатерді олар басталмай тұрып модельдеу, қалалардағы трафикті алдағы жылдарға есептеу, дәрігерлерге деректердің үлкен массивтері негізінде тезірек диагноз қоюға көмектесу, қазақ тілін, мәдениетін, тарихын және қазіргі контекстін түсінетін үлкен тілдік модельдерді үйретуге болады. Және, әрине, шетелдік серверлерге тәуелді болмай, өзіңіздің ЖИ-өнімдеріңізді іске қосуға мүмкіндік". Бағдат Мусин

Посмотреть эту публикацию в Instagram

Публикация от Bagdat Mussin (@bagdatmussin)

Бұған дейін Қазақстан мен Ресей АЭС құрылысының жол картасына қол қойғандығы хабарланған болатын.