Арықтау үшін қатаң диеталар мен ашығудың қажеті жоқ, деп хабарлайды El.kz интернет порталы.

Оның орнына дұрыс тамақтануға көңіл бөлген жөн. Жеңіл салаттар, шырынды жемістер мен қытырлақ көкөністер — тек пайдалы ғана емес, арықтауға көмектесетін тағамдар. Мұндай өнімдерді тойғанша жеуге болады, өйткені олардың құрамында калория өте аз.

Тағам өнімдерінің классификациясына сәйкес, энергетикалық құндылығы 100 грамға шаққанда 100 ккал-дан аспайтын өнімдер калориясы аз тағамдар қатарына жатады.

Калориясы ең төмен пайдалы өнімдер:

Брокколи — 34 ккал / 100 г

Бұл көкөніс — дәрумендер мен минералдарға бай нағыз суперфуд. Құрамында С, В2, В6 дәрумендері, темір, кальций, магний және мырыш бар. Фигураға пайдалы әрі тойымды.

Түсті қырыққабат — 28 ккал / 100 г

Түсті қырыққабат тек ақ емес, сонымен қатар күлгін және жасыл түстерде де кездеседі. Құрамында кальций, каротин, темір мен басқа да маңызды элементтер бар.

Бұрыш (болгар бұрышы) — 23 ккал / 100 г

С дәрумені, калий, магний және антиоксиданттарға бай. Ұзақ уақытқа тоқтық сезімін береді, жеңіл тіскебасар ретінде өте ыңғайлы.

Руккола — 30 ккал / 100 г

Айсберг салатына қарағанда пайдалырақ. Темір, калий және С дәруменімен байытылған. Құрамында обырға қарсы әсері бар фитонутриенттер бар. Дәмі ащылау, салаттарға ерекше рең береді.

Қызанақ — 18 ккал / 100 г

Су мөлшері жоғары, калориясы төмен. Ликопин атты антиоксидантпен бай, ол ағзада қабынуға қарсы әсер етеді. Сонымен қатар, калий мен С дәруменінің көзі.

Қарбыз — 30 ккал / 100 г

95%-ы судан тұрады. А және С дәрумендері бар. Жеңіл әрі сергітетін десерт ретінде жақсы таңдау.

Жасыл бұршақ — 69 ккал / 100 г

Жұмсақ тәтті дәмімен ерекшеленеді. Темір мен мырышқа бай. Пастаға, көкөніс қуыруға немесе омлетке қосуға болады.

Қырыққабат — 25–30 ккал / 100 г (түріне қарай)

Өсімдік талшығы, антиоксиданттар мен С дәруменіне бай. Ішек жұмысын жақсартады, бауырды тазартып, иммунитетті нығайтады.

Бұған дейін ыстық күнде қалай сусызданбауға болатыны туралы жазған едік.