Шәріп Серік есімді атышулы қазақстандық актёрге қатысты жасанды интеллект көмегімен жасалған бейне күні бүгінге желіде кеңінен тарауда. Танымал актёрге бейне ұнамаған болуы керек, ол видео авторына шағым түсірген. Алматы қаласы Полиция департаменті істің немен аяқталғанын айтып берді.
Оңтүстік астана полициясы бұл факт бойынша тексеріс жүргізілгенін мәлімдеді.
"Бейнематериалды жасау барысында жеке өмірге қолсұқпау, жеке деректерді қорғау және азаматтардың басқа да құқықтары бойынша заңбұзушылықтар анықталған жоқ. Тексеру қорытындысы бойынша, құқық бұзушылық құрамының болмауына байланысты өтініш қараусыз қалдырылды", – деп хабарлады Алматы қаласы Полиция департаментінің баспасөз қызметі.
Посмотреть эту публикацию в Instagram
Публикация от Арман | Креативный контент (@arma_mvp)
Еске салайық, 2025 жылғы 3 сәуірде Алматы тұрғыны Әлия Бөтеева өзін белгілі актёр Шәріп Серік ұрды деп айыптады. Қыздың айтуынша, ол актёрмен қарым-қатынаста болған. Бойжеткен Шәріп Серіктің артынан жалаңаяқ жүгіріп шығып, қолынан ұстап, лифтіден жұлқып алып шыққаны туралы фото және видео жариялады. Суреттерде қыздың беті қызарғанын көруге болады.
Бұл ретте, 4 сәуірде қазақстандық ірі медиа-компания Salem Entertainment пен басқа жарнама берушілер осы оқиғадан кейін актёрмен ынтымақтастықты және барлық келісімшартты тоқтататқанын хабарлады.
Кейінірек белгілі болғандай сот Шәріп Серікті кінәлі деп танып, 5 тәулікке қамауға алу жөнінде шешім шығарды.
