КАСКО сақтандыруы тек жол-көлік оқиғалары кезінде қажет деп ойлайсыз ба? Жыл сайын КАСКО төлемақысының 80 пайызға жуығы жол-көлік оқиғаларына байланысты бөлінетіні рас. Ал егер көлігіңіз су тасқыны салдарынан бүлініп немесе оны бұзақылар қиратқан жағдайда не істеуге болады? КАСКО полисі көлігіңізді найзағай мен мұз сүңгілерінің құлауынан да сақтандырады. Біз КАСКО сақтандыруының сіз білмейтін барлық мүмкіндігін айтамыз.

ЖКО зардабы

Бірінші мүмкіндігі – басқа көлік құралдарымен соқтығысу салдарынан келетін залалдан сақтандыру. Бұл жағдайда жүргізушінің кінәсі және басқа көлікті айдаған адамның кінәсі де ескеріледі. КАСКО полисінің арқасында апат салдарынан залал келген көлікті жөндеуге кететін шығын өтеледі. Оның ішіне, көлік шанағын жөндеу, құралдарды алмастыру және лак-бояу қаптамасын қалпына келтіру жұмыстары да кіреді.

Көлік жол апаты салдарынан аударылса, полис қайта жөндеуге қажетті шығынды өтейді. Сонымен қатар автокөлік жолдың жиектасына шығу кезінде зақымданса, бағана немесе қозғалмайтын қандай-да бір кедергілерге соқтығысса да шығын өтеледі.

КАСКО бағасы көлікке байланысты. Орташа шамамен 3 пайызды құрайды. Статистика бойынша, сақтандыру компаниялары ең жиі өтейтін төлемақылар жол-көлік оқиғаларына байланысты бөлінеді. КАСКО бойынша төленетін өтемақының 80 пайызға жуығы ЖКО-ға кететін шығын.

Табиғи апаттардан келетін залал

КАСКО өтемақысының жалпы көлемінің шамамен 10 пайызы табиғи зілзала салдарынан зақым келген көліктерге бөлінеді. Сақтандыруда бұл сирек кездесетін қатер болғанымен, табиғи апаттың зардабы ЖКО салдарынан әлдеқайда ауыр.

КАСКО полистерінің көбі:

• су, сел тасқындары мен қатты нөсерден;
• күшті жел мен дауылдардан келетін залалдан;
• автокөліктің әйнегі мен шанағын зақымдайтын бұршақтан қорғайды.

Сондай-ақ табиғи апаттар қатерлері тізіміне жер сілкінісі, найзағай соққысы, мұз сүңгілерінің құлауы, шаңды дауылдар және т.б. жатады.

Вандализмнен келетін зардап

Вандализм, яғни автокөліктерді қасақана бүлдіруден, зақымдаудан немесе қорлаудан сақтау мақсатында КАСКО полисін алу сирек кездесетін жайт. Сақтандыру өтемақының жалпы көлемінің 5 пайызға жуығын құрайды. Алайда бұзақылардың көліктерді бүлдіруі жиі болатын оқиға. Кейде көршілес тұратын автокөлік иелерінің өздері біреудің техникасын қасақана бүлдіреді: дөңгелектерді тесіп, көлік шанағын тырнап кетеді. Көлікті майыстыру жағдайлары да болған.

КАСКО вандализм салдары, атап айтқанда көлік шанағы, әйнек, орындықтар мен аспаптар панелі және т.б. салонның ішкі жабдықталуына келген шығынды өтейді.

Десек те, КАСКО полисіне бұдан басқа да қатерлер өтемақысы кіреді. Автокөлік иесі КАСКО сақтандыруы келісімшартына қосымша қауіп-қатерлерді енгізе алады. Олар:

• өрт (техникалық ақау немесе сыртқы факторлар салдарынан болған өрт);
• жануарлар келтірген залал (мысалы, кеміргіштер сымды зақымдап, құс саңғырығы автокөлік бояуын бүлдіруі мүмкін және т.б.).

Ұрлық салдары

Көліктерді айдап кету мен тонау оқиғалары да КАСКО полисімен сақтандырылады. Бұған сақтандыру өтемақысының жалпы көлемінің ең аз бөлігі бөлінеді. Полис тұтас көлікті айдап әкетуден, бөлшектерді ұрлаудан, айналар, дөңгелектер, аккумулятор, магнитола секілді заттарды тонаудан сақтандырады.

КАСКО кейбір бағдарламалары ұрлау әрекеттерінен де сақтандырады. Мысалы, құлыпты ашу, дабылды өшіру кезінде автокөлік зақымданса, полис жөндеу жұмыстарына кететін шығынды өтейді.

Көлікті айдап кету мен тонау КАСКО сақтандыруының стандартты пакетіне кіреді.

Қосымша қатерлерден сақтандыру құны жеке есептеледі. Мысалы, басқарусыз қалған дрон ұшып келе жатып, автокөлік төбесіне соғылған. Бұл оқиға "ұшатын құралдар мен қирандыларының құлауы" категориясына жатқызылды.

Сақтандыру компанияларының көбі қаржылық жағдайы әр түрлі тұтынушыларға арналған сақтандыру пакеттерін ұсынады. КАСКО сақтандыру бағдарламалары да сан-алуан. Жылына 30 мың теңгеден басталып, шектеуі бар және тек ЖКО салдарын өтейтін бағдарлама бар. Бұдан да басқа қатерлерді сақтандыру шарттарын қарастыруға болады.