Астана тұрғындары мен қонақтарына "Қытай – Орталық Азия" іскерлік кеңесінің отырысы кезінде кейбір көшелерде көлік қозғалысы уақытша шектелетіні ескертілді, деп хабарлайды Zakon.kz.

Іс-шара 2025 жылғы 16–18 маусым аралығында елордада өтеді. Осы күндері Қытай Халық Республикасының төрағасы Си Цзиньпин Астанаға ресми сапармен келеді. Сонымен қатар, іскерлік кеңеске Орталық Азия елдерінің мемлекет басшылары қатысады.

"Іс-шараға байланысты 16–18 маусым аралығында елордадағы бірқатар көшеде көлік қозғалысына уақытша шектеу енгізіледі", — деп мәлімдеді Астана әкімдігі.

Жол қозғалысы келесі учаскелерде уақытша шектеледі:

• Қабанбай батыр даңғылы – Нұрсұлтан Назарбаев халықаралық әуежайынан Мәңгілік Ел даңғылына дейін;
• Мәңгілік Ел даңғылы – Қабанбай батыр даңғылынан Д. Қонаев көшесіне дейін;
• Қонаев көшесі – Мәңгілік Ел даңғылынан Қабанбай батыр даңғылына дейін;
• Қабанбай батыр даңғылы – Қорғалжын тас жолына дейін.

Сондай-ақ, 2025 жылғы 17 маусымда келесі көшелерде көлік қозғалысы уақытша шектеледі:

• Керей, Жәнібек хандар көшесі – Мәңгілік Ел даңғылынан Шерхан Мұртаза көшесіне дейін;
• Тәуелсіздік даңғылы – Керей, Жәнібек хандар көшесінен А. Байтұрсынұлы көшесіне дейін.

Сонымен қатар, 17 маусым күні сағат 14:00-ден 20:30-ға дейін Бейбітшілік және келісім сарайы маңындағы Қ. Аманжолов және Ж. Нәжімеденов көшелерінде де қозғалыс шектеледі.

Жүргізушілер мен жаяу жүргіншілерге жол қозғалысындағы өзгерістерді ескере отырып, бағыттарын алдын ала жоспарлауға кеңес беріледі.

Қытай Халық Республикасының төрағасы Си Цзиньпин Астанаға Қазақстан президенті Қасым-Жомарт Тоқаевтың шақыруымен келеді. Екіжақты жоғары деңгейдегі кездесу барысында қазақ-қытай жан-жақты стратегиялық серіктестігін одан әрі тереңдету мәселелері талқыланбақ.