Бүгін Венгрия астанасы Будапешт қаласында дзюдодан әлем чемпионаты басталды. Алғашқы болып татамиге шыққан қазақ спортшылары – Абиба Абужақынова мен Мағжан Шамшадин жарысты жеңіспен бастады, деп хабарлайды Қазақстан дзюдо федерациясына сілтеме жасаған KAZ.NUR.KZ.
Мағжан Шамшадин алғашқы айналымда америкалық Дэвид Тераоны жеңді. Оның келесі қарсыласы – испаниялық Францизко Гаригос.
48 кг сынға түскен Абиба Абужақынова қосымша уақытта (Golden score) “юко” әдісін жасап, ресейлік Марина Воробьевадан айласын асырды.
Өкінішке қарай, Ғалия Тынбаева әлем чемпионатын бірінші айналымнан аяқтаған.