АҚШ-тың Мемлекеттік департаменті төтенше қызметтегі емес мамандарына Ирак, Бахрейн мен Кувейттен кету туралы бұйрық берді. Бұл қатарға дипломаттар мен олардың отбасы мүшелері жатады. Сондай-ақ Пентагон сарбаздардың туған-туыстарына да Таяу Шығыс елдерінен өз еркімен кетуге рұқсат берді.

Мемлекеттік хатшы Марко Рубио: «Израильдің Иранға шабуылына АҚШ-тың еш қатысы жоқ», – деп мәлімдеді. Вашингтон аймақтағы өз күштерін қорғау үшін тиісті шаралар қабылдап, Тегеранға америкалық нысандарға тиіспеуді ескертті. Бұған дейін Иран АҚШ-тың Таяу Шығыстағы нысандарына шабуыл жасаймыз қорқытқан болатын.

Дональд Трамп, АҚШ президенті:

- Иә, қызметкерлерді әкетіп жатырмыз. Өйткені Таяу Шығыс қауіпті мекенге айналуы мүмкін. Не болатынын көреміз. Біз көшіру қажет деген шешім қабылдадық. Жағдайды қарап отырамыз. Аймақтағы ахуалды тыныштандыру үшін Иран ядролық қарудан бас тартуы керек. Тек қана соны істесе болды.