Тоқаев Астанадағы отырыста маңызды мәлімдеме жасады.

Бүгін Астанада өтіп жатқан Түркі мемлекеттердің Парламенттік Ассамблеясының кезекті отырысында президент Қасым-Жомарт Тоқаев Түркі мемлекеттері Парламенттік ассамблеясына мүше елдер парламенттерінің спикерлерімен кездесті, деп хабарлайды Ақорда.

Мемлекет басшысы мәртебелі меймандарға ілтипат білдіріп, бүгінгі жиынның мән-маңызы ерекше екенін айтты.

Қасым-Жомарт Тоқаев кезінде Сенатта 10 төраға болғанын еске алып, Парламенттегі жұмыстың қаншалықты маңызды екеніне қатысты пікірін айтты.

"Парламенттік Ассамблея – өте маңызды саяси құрылым. Қазақстан бұл Ұйымды барынша қолдайды. Мен өзім он жыл бойы сенат төрағасы ретінде жұмыс істедім, парламентаралық байланыстарға белсенді түрде қатыстым. Жалпы, Парламенттің жұмысын жақсы білемін, түсінемін. Қазір Парламенттік Ассамблея аясындағы бірлескен күш-жігеріміздің арқасында түркі ынтымақтастығы жылдан жылға нығайып келе жатыр. Бұл – өте жақсы үдеріс, себебі тұтас түркі жұртының халықаралық беделі мен ықпалы да арта түсуде. Ең бастысы, елдеріміздің арасында өзара жақындасуға деген талпыныс бар. Қазақстан алдағы уақытта да түбі бір түркі халықтарының жан-жақты ынтымақтастығын дамыта беруге мүдделі", – деді Қасым-Жомарт Тоқаев.

Оқи отырыңыз: Қасым-Жомарт Тоқаев Ресей президентіне құттықтау жеделхатын жолдады

Президент еліміз Парламенттік ассамблея ұсынған тың бастамаларды қолдайтынын айтып, түркі ықпалдастығына үлес қоса беруге дайын екенін мәлімдеді.