Енді ресми құжатқа Дональд Трамп пен Си Цзиньпин қол қоюы тиіс.

Лондон қаласында АҚШ пен Қытай тарифтер бойынша ортақ келісімге келді, деп хабарлайды inbusiness.kz сайты.

Мұны Ақ үй басшысы Дональд Трамп әлеуметтік желідегі ресми парақшасында жариялады.

Оның айтуынша, Қытай Америкаға сирек кездесетін металдарды, оның ішінде магниттерді жеткізуге уағдаласты.

Ал, АҚШ Қытай студенттеріне америкалық колледждер мен университеттерде оқуды жалғастыруға мүмкіндік береді.

Сондай-ақ, АҚШ Қытай өнімдеріне 55% баж салығын салса, Бейжің тек 10% тариф енгізеді.