Үш ұпайдан құр қалдық.

Қазақстан құрамасы 2026 жылғы әлем чемпионатына іріктеу турниріндегі кезекті матчында Солтүстік Македония құрамасына есе жіберді. J тобындағы кездесу елордадағы “Астана Арена” стадионында өтті.

Матч 1:0 есебімен қонақтардың жеңісімен аяқталды. Жалғыз голды 33-минутта Александр Трайковски соқты. Ол Мухаммеджан Сейсеннің қақпасына бірден бағытталған соққымен дәл көздеді.

Айта кету керек, Қазақстан құрамасы бірнеше қауіпті сәттерге ие болды. Олардың үшеуі қарсылас қақпасының маңдайшасына немесе бағанасына тиді: 16-минутта Ғалымжан Кенжебектің соққысы бағанаға тиді. 57-минутта Максим Самородовтың соққысы маңдайшаны сілкісе, 85-минутта ойынға қосалқы құрамнан шыққан Дастан Сатпаев бағанаға дәл соққы жасады.

Ислам Чесноков, Нұралы Әліп және басқа да ойыншылар да қауіпті сәттер ұйымдастырды. Дегенмен, олардың күш-жігеріне қарамастан, есеп өзгеріссіз қалды.

Айта кетейік, келесі матч 4 қыркүйекте өтеді. Қазақстан құрамасы өз алаңында Уэльс командасын қабылдайды.

Еске салсақ, іріктеу циклінің алғашқы матчында Қазақстан Уэльспен сырт алаңда кездесіп, 1:3 есебімен жеңілген еді. Ал екінші ойында қонақта Лихтенштейнді 2:0 есебімен ұтты.