"МузАрт" тобының мүшесі, әнші Сәкен Майғазиевтің үлкен ұлы Әділеттің үйленгелі жатқанын алдында жазған болатынбыз. Өнерлі отбасы Жаңаөзенге құда түсіп, жастардың некесі де мұсылманша қиылды, деп хабарлайды Zakon.kz.

Құда түсіп, Жаңаөзенге барған әншінің қасында жары, туған-туысымен бірге "МузАРТ" тобының мүшелері, Жанболат пен Жазира сынды өнер жұлдыздары да болған.

Әншінің болашақ келінінің отбасына қалыңмалға 5 млн теңге апарғанын журналист Ербол Мәндібек желідегі парақшасында жазды.

"Мысалы, бас табаққа қара 20 мыңдықтар, құйрық бауырға қызыл 5 мыңдықтар атты. Келіннің жеңгелеріне көк долларлардан көрімдік кетті. Апарған әрбір құданың қалтасын ақшамен нығыздап, сақадай сай еткені ұнады. Кедейлік деген жаман нәрсе ғой. Кеше бір бизнес тренермен сөйлестім. "Ереке, күніне 100 мыңнан жинап отыр. Мүлде, ақша жұмсама. Күн сайын тура 100 мыңнан жинап үйрен" деді. Былай қарап тұрсаң, әдемі ақыл. Бірақ күн сайын 100 мыңды қайдан аламын? Бұл сұрақтың нақты жауабын айтпады. "Өзің ретіне қарай "нетерсің". Бірақ, күн сайын 100 мыңнан жинасаң түптің түбінде тойыңа "МузАрт "келіп ән айтады, оған гарантия берем" деді. "Жоқ, жоқ" деп жұтай бермей күніне 100 мыңнан жинаңыздар. Сонда Сәкен жездем сияқты құданың алдында жарқырап жүресіздер. Құдай құдалыққа кредитпен барудан сақтасын....", — деп жазды Ербол Мәндібек.

Сондай-ақ жас келін Әдияның көпшіліктің алдында Әділеттен маһрге не сұрағаны да белгілі болды.

Публикация от Anna Danchenko (@ann_2905)

Көпшілік алдында жиналған екі жастан молда "Мәһрге не сұрайсың?" деген сұрақ қойды. Енді ғана босаға аттап жатқан жас келін "Алтын сақина" деп жауап берді. Желіге жүктелген видеодан бұл жауап көпшіліктің көңілінен шыққанын байқауға болады.