"Қазгидромет" РМК мәліметінше, 7 маусымда еліміздің оңтүстігінде, батысында, солтүстік-батысында, солтүстігінде және орталығында жаңбыр жауып, күн күркірейді. , деп хабарлайды Zakon.kz.

Осыған байланысты ҚР ТЖМ найзағай кезінде ел азаматтары өздерін қалай ұстауы керектігін ескертті:

Үйде:

• терезелер мен есіктерді жабыңыз;
• электр құрылғыларын өшіріңіз.

Көшеде:

• ғимартқа кіріңіз;
• металл қорғаныш жабындысы мен ағаштың астында тұрмаңыз;
• көлікте болыңыз;
• мотоциклден/велосипедтен түсіңіз;
• қолшатырды ашпаңыз;
• ұялы телефонды сөмкеге салыңыз;
• киімге металл аксессуарларды тағуға болмайды.

Табиғатта:

• биік ағаштардың астына тығылмаңыз;
• жар секілді көлегей ойпаттарды паналаңыз;
• су қоймаларынан аулақ болыңыз.

"Найзағай жарқылдаған сәтте күн күркіреу қатар жүрсе, онда найзағайдың ошағы жақын тұста деген сөз", – дейді ҚР Төтенше жағдайлар министрлігінің баспасөз қызметі.

Бұған дейін төтеншеліктер жер сілкінісі кезінде жасалатын қажетті 10 қарапайым қадаммен бөліскен болатын.