Әйгілі «Metro-Goldwyn-Mayer» (MGM) студиясының логотипіндегі арыстанды білмейтіндер кемде-кем. Бірақ осы кадр сыртында біз байқай қоймайтын бір құпия бар.

Қысқартып айтсақ, оқиға былай бол­ған. 1980 жылдардың басында дыбыс режиссёрі Марк Манджини «Лео» атты арыстанның ақырғанына көңілі толмайды. Өйткені «Кино басталар сәттегі дауыс барынша сұсты әрі әсерлі болу керек», дейді ол. Сөйтіп, режиссёр ойлана келе, студия логотипіндегі рөлге жолбарыс­тың ырылын пайдалануға бел буады. Бұл идеяның нәтижесі де жаман болған жоқ. Көрермендер әлі күнге дейін сол жасанды дыбысты арыстанның ақыруы деп ойлайды. Мінеки, бұл – кино әлеміндегі жасырын әрі шебер қолданылған әдістердің бірі.