Сонымен қатар айыпталушылар орындығында оның үш серіктесі — Сәкен Смағұл, Асқын Қауымбаев және Мейрам Оразұлы да жауап берді.

Ақтаудағы футбол қаржысына қатысты даулы іс бойынша сот үкімі шықты. Тергеу мен тыңдалымдар біткен соң, белгілі болғаны – "Каспий" футбол клубының бұрынғы директоры Ержан Жамбыров қаржы жымқыру дерегі бойынша кінәлі деп танылды, деп жазады inbusiness.kz сайты.

Сотта анықталғандай, бұл істе клуб менеджері Данияр Боранбаев та маңызды рөл атқарған. Бастапқыда ол күдікті ретінде тергелсе, кейін жәбірленуші ретінде танылды. Тергеу материалдарына сүйенсек, 2023 жылдың қаңтарынан сәуіріне дейін Жамбыров клуб есепшотынан Боранбаевтың жеке шотына ешбір заңды негізсіз 20 миллион теңгеден астам қаражат аударған. Оның 11,9 миллион теңгесін өзі иемденсе, қалған 8,37 миллионы Боранбаевтың қолына тиген.

Сот бұл қылмыстың алдын ала келісіп, әдейі ұйымдастырылғанын анықтады. Төрттік жалған құжаттар жасап, жалған келісімшарттар рәсімдеп, тіпті, мүлде болмаған қызмет көрсетушілерді ойлап тапқан. Тергеу барысында Жамбыров пен Боранбаев арасындағы байланыстың бір реттік алаяқтықпен шектелмей, жүйелі сипат алғаны да әшкере болды.

Нәтижесінде, сот Ержан Жамбыровты 7 жылға бас бостандығынан айырды. Ал оның үш серіктесіне 4 жыл мерзімге бас бостандығын шектеу жазасы тағайындалды.