Зайырлылық – әлем елдерінің барлығы дерлік таңдаған теңдіктің төте жолы. Алайда кейбір радикалды көзқарасқа берілген топтар зайырлы мемлекетті дінсіздік жолындағы жүйе деп қаралап, одан бас тартуға шақырып жүр. Не үшін?

Әрине, мұндай бүлікті халық арасына таратып, жат идеологияны тықпалап жүргендердің ар жағында қоғам тұрақтылығын шайқалтып, бірлікке балта шапқысы келетін әлдебір күштер тұрғаны белгілі. Ал олардың қолшоқпарына айналған қарапайым тобыр діни догмаларды заңнан үстем қойып, оны заң мен тәртіптің қайнар көзі ретінде көреді.Радикалды діни топтардың көздегені – дінді құрал ретінде пайдаланып, өздерінің саяси мақсаттарына жету.