Алматы қаласында психикалық денсаулық орталығынан екі ер адам қашып кеткен. Волонтёрлер олардың фотосы мен сипаттамаларын әлеуметтік желілерде жариялап , қала тұрғындарынан көмек сұрап отыр, деп хабарлайды Skifnews.kz ақпарат порталы.

Екі науқас Қекилбайұлы көшесінде (бұрынғы Каблуков) орналасқан орталықтан өз бетімен шығып кеткен.

Қашып кеткендердің бірі — 32 жастағы Павел Павлович Лавров. Бойы 157 см, дене бітімі орташа, шашы қара, көзі қоңыр. Оң қолының білегінде тыртық іздері бар. Қашып шыққан кезде қара футболка, қара шорты және қара түсті шлёпан киіп жүрген.

Екінші ер адам — 33 жастағы Денис Сергеевич Антипин. Бойы 180 см, дене бітімі орташа, шашы қою қоңыр, сәл ағарған. Көзі — қоңыр. Сол жақ көзінің қасында меңі бар. Үстінде ақ футболка, қара шорты мен ашық түсті шлёпан болған.

Екеуінің де психикалық ауытқуы бар екені хабарланды.

Куә болған адамдар немесе қандай да бір ақпарат білетін тұрғындардан волонтёрлер хабарласуды сұрайды.