Болгарияда мыңдаған адам елдің Еуроаймаққа қосылуына қарсылық білдіріп, ереуілге шықты.

Жақында жасақталған жаңа үкімет келесі жылы Болгарияны Еуроаймаққа мүше қылуды мақсат етіп отыр. Ал оппозициялық партия өкілдері мен халық бұған қарсы.

Айтуларынша, Болгария ұлттық валюта — левтен бас тартып, Еуроаймаққа қосылатын болса, тауарлардың бағасы өсіп, елдің экономикалық тәуелсіздігі шектеледі, деп жазады qazaqstan.tv.

Сондықтан олар бұл мәселе бойынша биліктегілерден халықтық референдум өткізуді талап етуде.

"Ұлттық валютамыз — левті, өзіміздің тәуелсіздігімізді сақтап қалуымыз керек. Еуроаймаққа кірген елдердің байып кеткенін көрген жоқпыз. Керісінше, қымбатшылық жайлады." Радко Вангелов, София қаласының тұрғыны