16 шілдеде “Ақжайық” резерватында ондаған құстың өлексесі табылған.
Бұл жағдайды жоспарлы мониторинг кезінде 61-ші кварталда резерват қызметкерлері тіркеді, деп жазады inbusiness.kz сайты “Ақ Жайық” басылымына сілтеме жасап.
18 шілдеде оқиға орнына Атырау облыстық орман шаруашылығы және жануарлар дүниесі аумақтық инспекциясының мамандары келіп, жағдайды растады.
– Нақты себебі әлі анықталған жоқ. Тексеру және деректер жинау жұмыстары жүргізіліп жатыр, – деп хабарлады баспасөз қызметі.
Аумақта күнделікті бақылау жұмыстары жалғасып жатыр.