Оралда бірнеше көлікті айдап әкеткен күдікті ұсталды, — деп хабарлайды Massaget.kz тілшісі.

Күдікті жуырда Audi көлігін айдап әкеткеннен кейін жедел түрде ұсталған. Көліктің қозғалыс бағыты қалалық жедел басқару орталығының бейнебақылау камералары арқылы бақылауға алынып, полиция қызметкерлері дер кезінде әрекет еткен.

"Тергеу барысында күдікті сол күні Volkswagen көлігін де айдап әкеткені белгілі болды. Бұған дейін ол тағы үш көлікті ұрлағаны анықталды. Тамыздан бері күдікті бес көлікті заңсыз айдап әкеткен. Ұрлықтың екеуі Бәйтерек ауданында, ал үшеуі Орал қаласында жасалған. Барлық көлік иелеріне қайтарылды", — деді ІІМ өкілі.

Бұл жайтқа байланысты қылмыстық істер қозғалды. Күдікті уақытша ұстау изоляторына қамауға алынды. Тергеу жалғасып жатыр.

Өзекті жаңалықтарды өз уақытында оқу үшін Facebook парақшамызға жазылыңыз!