Елімізде алдағы 4 жылда алюминийді қайта өңдеу 163 мың тоннаға дейін ұлғайтылады .

Көрсеткішті 4 есеге көбейту көзделген. Межелі міндетке жету үшін отандық кәсіпорындармен келісімшарт жасасып, бірлесе жұмыс атқарылмақ. Бұл туралы бүгін орталық коммуникациялар қызметі алаңында өнеркәсіп және құрылыс министрлігінің мамандары хабарлады. Ақпарларынша, қазіргі таңда президент пәрменімен отандық өңдеу өнеркәсіптерін дамытуға баса назар аударылып отыр. Оның нәтижесінде ішкі тауар өндірушілерді шикізатпен қамтамасыз етуге бағытталған 30 жоба іске асырылып келеді. Осының есебінде дайын өнім шығару көлемі айтарлықтай өсіпті. Мырыш саласында да өсім байқалады.

Ғалымжан Төребек, ҚР Өнеркәсіп және құрылыс министрлігінің өнеркәсіп комитеті төрағасының орынбасары:

- Осы жылы жоспарымыз бойынша ішкі өңдеуді арттырып 16 мың тоннаға дейін дайын бұйымдар шығару жоспарлануда. Жалпы ішкі өндірушілерді мыспен қамтамасыз ету 16 кәсіпорын шығаратын тауарларды көбейту. Ол қуат трансформаторларын орауға арналған сымдар. Өткен жылға қарағанда көлемін 31,31 пайызға арттырамыз.