15 маусым күні Израильдің Тегеранның солтүстігіне жасаған соққысы салдарынан кемінде 17 адам қаза тауып, 46 адам жараланды. Бұл туралы Иран Сыртқы істер министрлігінің ресми өкілі Исмаил Багаиге сілтеме жасай отырып El.kz интернет порталы хабарлайды.

Израильдің зымыраны жаяу жүргіншілер мен көліктердің үстіне құлады, салдарынан 17 адам қаза тауып, 46 адам жарақат алды, — деп жазды ол.

Иран СІМ өкілі соққы Тегеранның солтүстігіндегі «Шохадое Таджриш» ауруханасының жанындағы көшеге түскенін айтты. Ол дүйсенбі кешкісін жараланғандарды зиярат ету үшін ауруханаға барған.

Ирандық БАҚ 15 маусымда ел астанасының солтүстігінде болған шабуыл туралы хабарлап, су құбырының зақымдалуынан кейінгі суға толған көшелерді, бүлінген көліктер мен болжамды соққы орнындағы шұңқырдың кадрларын көрсетті.

Бұған дейін Газа секторында кемі 66 адамның қаза тапқаны туралы жазғанбыз.