Израиль Тегеранды тағы бомбалады
16.06.2025
Израиль Тегерандағы Ислам төңкерісі сақшылары корпусының «Әл-Құдыс» арнайы штаб-пәтерін бомбалады, деп хабарлайды 24kz.
Сондай-ақ әскери қолбасшылықтың бірнеше басқару орталығы талқандалған. Иран президенті Масуд Пезешкиан шабуылды күшейтетінін мәлімдеді. Ол: «Иран қақтығысты бірінші болып бастаған жоқ, біз тек қорғану және қарымта қайтару мақсатында соққы беріп жатырмыз» деді. Парсы елінің басшысы бейбітшілікке ұмтылған әр мемлекет Израильге қарсы күресуі керек екенін айтты.
