Ертең Орталық Азия мемлекеттері басшыларының қатысуымен «Қытай – Орталық Азия» іскерлік кеңесінің екінші отырысы өтеді. Осыған орай елге Қытай Халық Республикасының төрағасы Си Цзиньпин ресми сапармен келеді. Маңызды шараға байланысты 16-18 маусым аралығында Астанада бірнеше көше жабылады. Халықаралық әуежайдан бастап, Мәңгілік Ел даңғылынан Қонаев көшесіне дейін. Ал 17 маусымда Мәңгілік Ел даңғылынан бастап Шерхан Мұртаза көшесіне дейін, Тәуелсіздік даңғылындағы Керей-Жәнібек хандар көшесінен Ахмет Байтұрсынұлы көшесіне дейін. Сондай-ақ 17 маусымда сағат 14:00-ден 20:30-ға дейін Бейбітшілік және келісім сарайы маңындағы Аманжолов және Нәжімеденов көшелерінде де қозғалыс уақытша шектеледі. «Жүргізушілер мен жаяу адамдар жол қозғалысында болатын өзгерістерді ескере отырып, бағытын алдын ала жоспарлағаны жөн», – деп ескертеді Астана әкімдігі. Астана халықаралық әуежайы да жолдағы шектеулерді ескере отырып, жолға ертерек шығуға және балама жолдарды пайдалануға кеңес береді. Форум өткізу кезеңінде әуе рейстерінің кестесінде өзгерістер болуы мүмкін екенін хабарлады.

Самал Қабышева