Таиландта өткен Азия чемпионатында пара каноэдан ел спортшылары жеңіске жетті.

Үздік параспортшылардың басын қосқан дүбірлі додада Қазақстан құрамасы жақсы нәтиже көрсетіп, 10 медаль жеңіп алды. Оның ішінде 3 алтын, 5 күміс, 2 қола бар. Ел намысын қорғаған спортшылардың арасында Бибарыс Спатай ерекше көзге түсті. Ол 2 алтын, 1 қола медаль еншіледі. Ал Максим Богатырев қоржынға 1 алтын, қос күміс медаль салды. Жаңыл Балтабаева қос күміс, Мейіржан Армия 1 күміс, 1 қолаға қол жеткізді.

Бұл жеңіс – Қазақстан құрамасының пара каноэ спортындағы әлеуетін көрсетті.

Айдана Қуантхан