Олжас Бектенов Президенттің негізгі көлік жобаларын жүзеге асыру жөніндегі тапсырмаларының орындалу барысын тексерді. Яғни көлік саласындағы ірі инвестициялық жобалар бойынша кеңес өткізіп, атқарылып жатқан жұмыстарды қадағалады.

Көлік министрлігінің деректері бойынша биыл 13 мың шақырым автожол мен 6,1 мың шақырым теміржол жұмысы жүргізіледі және 6 әуежай жаңғыртылып, салынып жатыр. Сондай-ақ жиында ҚазаАвтоЖолдың төрағасы Дархан Иманашев автоматтандырылған өлшеу жүйелерінің жұмысы туралы баяндады. Оның айтуынша, қазір республикалық жолдарда осындай 27 кешен жұмыс істейді. Биыл тағы 25, келесі жылы олардың жалпы санын 126 бірлікке дейін жеткізуді көздеп отыр.