Испания құрамасы мен "Барселона" клубының вингері Ламин Ямаль әлемдегі ең қымбат футболшылар рейтингінде бірінші орынға шықты, — деп хабарлайды Massaget.kz тілшісі.

Transfermarkt порталы Еуропаның ТОП-5 лигасындағы ойыншылардың нарықтық бағасын жаңартты. Тізімнің көшін 17 жастағы каталондық бастады — Ямальдың құны 200 миллион еуро деп бағаланған.

"Барселонаның" ойыншысынан кейінгі орында 180 миллион еуро тұратын үш футболшы тұр:

Джуд Беллингем (Англия, "Реал"),

Эрлинг Холанд (Норвегия, "Манчестер Сити"),

Килиан Мбаппе (Франция, "Реал").

Әлемдегі ең қымбат 10 футболшы:

Ламин Ямаль – 200 млн еуро (Испания, "Барселона")

Джуд Беллингем – 180 млн еуро (Англия, "Реал")

Эрлинг Холанд – 180 млн еуро (Норвегия, "Манчестер Сити")

Килиан Мбаппе – 180 млн еуро (Франция, "Реал")

Винисиус Жуниор – 170 млн еуро (Бразилия, "Реал")

Букайо Сака – 150 млн еуро (Англия, "Арсенал")

Педри – 140 млн еуро (Испания, "Барселона")

Флориан Виртц – 140 млн еуро (Германия, "Байер")

Джамал Мусиала – 140 млн еуро (Германия, "Бавария")

Федерико Вальверде – 130 млн еуро (Уругвай, "Реал")

Ламин Ямаль неліктен ең қымбат ойыншы атанды?

"Барселона" вингері Евро-2024 додасында жарқырап көзге түсіп, Еуропа чемпионаттары тарихындағы ең жас футболшы ретінде бірнеше рекорд жаңартты. Испания финалда Англияны жеңіп, турнир жеңімпазы атанды.

Оның таланты тек бір турнирмен шектелмей, маусым бойы тұрақты көрінді. 2024/2025 жылғы маусымда Ямаль "Барселона" сапында 55 матчқа қатысып, 18 гол соғып, 25 нәтижелі пас берген. Каталондықтар сол маусымда Чемпиондар лигасының финалына дейін жетіп, "Интерге" жол берген. Бірақ Испания чемпионаты, Кубогы және Суперкубогын жеңіп алды.

Ямальдың феномені туралы Португалия мен Испания арасындағы Ұлттар лигасы финалы алдында Криштиану Роналду да пікір білдірді. Ол БАҚ өкілдерін Ямальға шамадан тыс назар аудармауға шақырып, "жігітті жайына қалдыру қажет" деді.

Айта кетейік, бұған дейін Эрлинг Холанд пен Винисиус Жуниор ең қымбат ойыншылар саналған еді. Бірақ олардың бағасы 200 млн-нан 180 млн еуроға дейін төмендеген.Жақында Ламин Ямаль 67 жыл бұрынғы рекордты қайталаған болатын. Ал бұған дейін "Реал" жұлдызы Винисиус Жуниор өзіне Килиан Мбаппемен тең жалақы талап еткені де хабарланған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!