Бүгін, 2026 жылғы 24 қыркүйекте Алматы облысы Қарасай ауданында екі көліктің қатысуымен жол апаты болды. Бақытқа орай, оның салдарынан ешкім зардап шеккен жоқ, деп хабарлайды Zakon.kz.
Жол апаты "Лемана ПРО" құрылыс гипермаркетінің тұрағында болды.
Сурет: Zakon.kz
Куәгерлердің айтуынша, ол күтпеген оқыс жағдайда орын алған. Volkswagen Golf көлігінің жүргізушісі тұрақтан артқа беру арқылы шықпақ болғанда газды тежегішпен шатастырып алып, сол маңда тұрған Toyota Camry көлігін соққан. Соққының қатты болғаны сонша, жапондық көлік жолдан ұшып, тұрақтан тыс жерге түскен, оның үстіне екі артқы дөңгелегі жұлынып кеткен.
Сурет: Zakon.kz
Соның өзінде Golf артқа қарайғы қозғалысын жалғастырып, сол маңда тұрған құрылыс материалдары мен құрылыс саймандарын да қиратып, ақырында гипермаркет қоймасына соғылып тоқтайды.
Бақытқа орай, неміс көлігінің жолында адамдар да, басқа көліктер де болмаған. Жол апаты салдарынан ешкім зардап шеккен жоқ.
Сурет: Zakon.kz
Кейін белгілі болғандай, Volkswagen жүргізушісі көлік жүргізу куәлігін жақында ғана алыпты, яғни ұзақ уақыт бойы көлік жүргізбеген және тәжірибесі де аз болып шықты.
Қазіргі уақытта Toyota Camry жүргізушісі мен гипермаркет апат салдарынан өздеріне келтірілген шығынды есептеп жатыр.
Оқиға орнына жол полициясының қызметкерлері келіп, болған жағдайдың мән-жайын анықтап жатыр.
Дереккөз: Zakon.kz · Кәмшат Сатиева
