Air Astana әуе компаниясы Франкфурт әуежайының жаңа 3-терминалынан рейстерді қабылдайды.

Әуе компаниясының тіркеу орындары, өздігінен тіркеу киоскілері және жолжүк тапсыру пункттері 34-аймақта орналасқан, деп жазады inbusiness.kz сайты.

Бизнес-класс жолаушылары үшін 5-қабатта арнайы зал қарастырылған. Көктемгі-жазғы навигация кезеңінде Франкфурт бағыты бойынша рейстер жиілігі артты.

Астана – Франкфурт рейстері күн сайын орындалады. Алматы – Франкфурт бағыты аптасына үш рет (дүйсенбі, бейсенбі, сенбі) жүзеге асады.

Сондай-ақ Орал – Франкфурт рейстері аптасына бір рет жалғасады. Терминал 3 жолаушыларға өздігінен қызмет көрсетуге арналған заманауи инфрақұрылыммен жабдықталған. Әуежай әкімшілігі жолаушыларға рәсімдерге алдын ала келіп, қосымша уақыт қарастыруды ұсынады.