Оралда қайғылы оқиға: ер адам 13-қабаттан құлаған
11.05.2026
Алдын ала мәлімет бойынша 13-қабаттан 27 жастағы азиат пішіндес жас жігіт құлап кеткен.
Орал қаласында 14 қабатты тұрғын үйде қайғылы жағдай тіркелді, деп хабарлайды inbusiness.kz сайты.
БҚО полиция департаменті баспасөз қызметінің мәліметінше, оқиға 11 мамыр күні түскі уақытта "Құрылысшы" шағынауданында болған. Алдын ала дерек бойынша, 27 жастағы ер адам 13-қабаттан құлаған.
Оқиға орнына полиция қызметкерлері жедел жеткен. Алайда алған ауыр жарақатынан азамат сол жерде көз жұмған.
Қазір аталған жайттың мән-жайы анықталып жатыр.
