Қазақстанда 5 жылу электр орталығы «қызыл» аймақтан шықты
05.05.2026
Өткен жылыту маусымының қорытындысы бойынша елімізде сегіз жылу электр орталығы тәуекел аймағынан шықты. Бұл туралы Үкімет отырысында Энергетика вице-министрі Сұңғат Есімханов мәлімдеді, деп хабарлайды Egemen.kz.
Вице-министрдің мәліметінше, энергетика нысандарын жөндеуге бөлінген қаржы көлемі артқан: электр стансаларына – 348 млрд теңге, жылу желілеріне – 129 млрд теңге бағытталған. Жөндеу жұмыстары аясында 10 энергоблок, 63 қазандық, 39 турбина және 17 мың шақырым электр желісі жаңартылған.
«Электр желілеріндегі технологиялық бұзушылықтар 12%-ға, ал электр стансалары бойынша 15%-ға қысқарды. Жылу желілерінің температуралық кестесін сақтамау жағдайларының саны 3 есе қысқарды», деді вице-министр.
Ірі энергетикалық нысандардан тарайтын зиянды шығарындылар 35 пайызға азаяды
Жалпы қорытынды бойынша, 5 ЖЭО «қызыл» аймақтан «сарыға», ал 3 ЖЭО «сарыдан» «жасыл» аймаққа ауысқан.
Нұрболат АМАНБЕК
