Қазақстанның халық әртісі , танымал әнші Роза Рымбаева ұлдары Әли Оқапов пен Мәди Рымбаевпен бірлесіп ән жазды. Әнге түсірілген бейнебаян YouTube желісінде жарияланды, деп хабарлайды KAZ.NUR.KZ.

Роза Рымбаева және ұлдары Әли мен Мәди жаңа әні туралы сүйінші хабарды Instagram желісіндегі парақшаларында жеткізді. "Есімде" әніне түсірілген бейнебаян YouTube желісінде жарияланған. Тыңдарман бұл жаңалықты қуана қабылдады.

"Құттықтаймыз!", "Керемет орындайсыздар", "Жарайсыңдар, Әли мен Мәди", "Уау, мұны көптен күткен едік", "Талант", — деп пікір қалдырды желі қолданушылары.

Әнді Әли Оқапов, сөзін Әли Сражадин жазған. Бейнебаянның режиссёрі – Эрнест Зиядинов. Меломандар жұмысты жоғары бағалап отыр — оларға орындаушылардың дауысы ғана емес, бейнебаян түсірілген көркем жерлер де ұнады.

"Жақсы жұмыс, сондай жылы", "Тыңдап отырып, эмоциямды ұстай алмадым. Әли бала кезімнен менің сүйікті әншім, ол маған шабыт сыйлайды", "Музыкасы, сөзі, бейнебаяны — бәрі жоғары деңгейде! Рымбаевтар отбасы — нағыз талант қазынасы", "Роза ханымның дауысы ерекше", — деп жазды бейнебаянды тамашалаған жанкүйер.