ІІМ мен ЦДИАӨМ-нің 2025 жылғы 26 мамырдағы "Қазақстан Республикасының азаматтарына паспорттар, жеке куәліктер беру" мемлекеттік қызмет көрсету жөніндегі пилоттық жобаны іске қосу туралы бірлескен бұйрығы онлайн-форматта қабылданды.

"Қазақстан Республикасының азаматтарына паспорттар, жеке куәліктер беру" мемлекеттік қызмет көрсету бойынша пилоттық жоба онлайн-форматта іске қосылсын", – делінген құжатта.

Сондай-ақ, электрондық үкімет порталы және халықты құжаттандыру қызметтерінің мобильді қосымшалары арқылы мемлекеттік қызмет көрсету алгоритмі бекітілді.

Айта кетерлігі, мұнда мерзімі өткен жеке куәлікті ғана айырбастауға болады.

Бұл ретте қызмет жеке куәліктің қолданылу мерзімі аяқталғанға дейін күнтізбелік 30 және одан аз күн қалса немесе жеке куәліктің қолданылу мерзімі күнтізбелік 10 күннен аспаса ғана көрсетіледі.

Басқа себептер бойынша ЭҮП және мобильді қосымшалар арқылы қызмет көрсетілмейді. Бұл жағдайда көрсетілетін қызметті алушы ХҚКО-ға "ресімдеу қолжетімсіз, ХҚКО-ға хабарласыңыз" хабарламасымен жүгіну қажеттігі туралы хабардар етіледі.

ЭҮП-ға өтінімді мобильдік қосымшаларда қазақстандықтар мемлекеттік қызмет көрсету қағидаларында көзделген құжаттар негізінде дербес толтыруы тиіс.

Тіркеу талонын қалыптастырғаннан кейін өтінім тиісті облыстың (өтініш беруші таңдаған) ПД ОӘК тексеру кезеңіне жіберіледі.

ПД ОӘК қызметкері өтінімді толтырудың дұрыстығына, сондай-ақ мемлекеттік қызмет көрсетуге қойылатын негізгі талаптар тізбесінің талаптарына фотобейнесі мен қолын тексереді және ЭЦҚ-мен куәландыра отырып, құжаттарды дайындау үшін өтінімді ДРН РП орталық торабына жібереді.

Егер фотосурет немесе қолтаңба мемлекеттік қызмет көрсетуге қойылатын негізгі талаптар тізбесінің талаптарына сәйкес келмесе не ОӘК қызметкеріне қосымша тексеру іс-қимылдарын жүргізу қажет болса, өтінім жойылады.

Сапасыз фотосурет немесе қол қою себебінен өтінімдер жойылған жағдайда көрсетілетін қызметті алушы жаңа өтінімді ресімдей алады, бұл ретте мемлекеттік бажды қайта төлейді. Бұрын төленген мемлекеттік баж ҚР Салық кодексіне сәйкес көрсетілетін қызметті алушыға қайтарылады.

Мемлекеттік қызметті (паспортты, куәлікті) көрсету нәтижесін беруді тиісті тіркеу пунктінде көші-қон қызметінің аумақтық бөлімшесінің қызметкері өтінімді тіркеу талонының нөмірі негізінде жүзеге асырады.