Елімізде жемқорлардан тәркіленген қаржыға 80-ге жуық мектеп тұрғызылды. Мемлекет қаражатын жымқырған тұлғалардан қайтарылған қаржы бүгінде Білім беру инфрақұрылымын қолдау қорының қатаң бақылауында.

Бұл қаражаттың арқасында бірқатар өңірлерде мектеп тапшылығы мәселесі біртіндеп шешімін табуда. Мәселен, осы уақытқа дейін 86 мың оқушыға арналған 77 мектеп бой көтерді. Басым бөлігі Алматы, Түркістан, Қызылорда, Жамбыл облыстарында және Астана қаласында шоғырланған. Оқу орындары түгелдей заманауи құралдармен, сабаққа қажетті материалдық-техникалық базамен жабдықталған. Ал жалпы қор қаржысына 100 мың орынды қамтитын 90-ға жуық мектеп салу жоспарланып отыр.