Маңғыстауда тарихи-мәдени орындардың күтіміне жауапты арнайы мемлекеттік мекеме құрылуы мүмкін . Өйткені, аймаққа алыс-жақын шетелден туристер көп келеді. Оларға жоғары деңгейде сервистік қызмет көрсетіп, зиярат орындарына бақылау жасайтын ұйым болуы керек. Бұл туралы Ақтауда өткен халықаралық жиында айтылды. Басқосу «Түркі халықтарының өркениеті және оның әлемдік мәдениет тарихындағы орны» тақырыбында ұйымдастырылды. Шараға Түркия, Өзбекстан, Қырғызстан, Мажарстан және Түрікменстанның ғалымдары мен мәдени орталықтарының өкілдері қатысты. Олар Бекет ата жерасты мешіті, Шақпақ ата қорымы секілді сакралды жерлермен танысып, әлемге дәріптемек.

Орхан Сөйлемез, Кастамону университетінің профессоры:

Орталығы Түркияда болған түркі мемлекеттері, түркі елдері орталығы бар. Олар жоғары мәртебелі бюрократия жағынан халықтарымызды, тарихымызды жақындастырып жатыр. Осындай ғылыми-мәдени шаралар бізді өз-өзімізге жақындастырады. Тамырымызды, тарихымызды жақсы үйренеміз.

Дархан Қыдырәлі, ҚР Парламенті сенатының депутаты:

Әр түркі кезеңдеріне қатысты мындағы қалалардың орындарын анықтау, көне Оғыз таңбаларын айқындау және ең бастысы Қараман ата, Шақпақ ата, Бекет ата жанындағы таңбаларды, ескерткіштерді қорғау-сақтау. Бұл үшін өте кешенді жұмыс керек. Сондықтан, біздің ойымызша бұл жерге «Сұлтан қорық» мұражайы сияқты арнайы мекеме керек.

Аягөз Оралбайқызы